ياريتك ماصليت على النبى

https://king.forum-canada.net/montada-f25/topic-t1204.htm

ياريتك ماصليت على النبى 32908110

https://king.forum-canada.net/montada-f25/topic-t1199.htm

ياريتك ماصليت على النبى 8421-610

https://king.forum-canada.net/montada-f10/topic-t638.htm

ياريتك ماصليت على النبى 66661010

https://king.forum-canada.net/montada-f10/topic-t815.htm

ياريتك ماصليت على النبى 86951110

https://king.forum-canada.net/portal.htm

ياريتك ماصليت على النبى Korsi214

https://king.forum-canada.net/montada-f10/topic-t625.htm

ياريتك ماصليت على النبى Png1110

https://king.forum-canada.net/montada-f14/topic-t688.htm

ياريتك ماصليت على النبى 08040110

https://king.forum-canada.net/montada-f10/topic-t931.htm#2213

ياريتك ما صليت على النبى

براحة اللى كان هيحدفنى بحاجة يستنى شوية
ابدأ كلامى بخير الكلام
والصلاة على خير الانام

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا
الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} (56) سورة
الأحزاب

صلى على الحبيب المصطفى
(اللهم صلى على محمد وعلى ال محمد عدد ما ذكره الذاكرون وغفل عن ذكره الغافلون)

أوصانا الحبيب عليه افضل الصلاة والسلام ان نكثر من الصلاة عليه ومن صلى عليه صلاة صلى الله بها عليه عشرة

لكن فيه بعض المواقف باشوف الناس بتصلى على النبى واقول ياريته ما صلى عليه

مثلا -واحد بيعاكس واحدة يقوم يقول اللهم صلى على جمال النبى
ده ينفع؟

-واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صلى على النبى

-واحد بيفتح معاك نميمة وانت بتقوله دع الخلق للخالق يقولك صلى على النبى ده كيت وكيت وكذا وكذا

-والافظع بقى زفة فى فرح والكل ناسى يلبس هدومه والراقصة الفاميلى سايز
تترنح والكل يصفق صلى على النبى صلى على النبى او صلى صلى واللى ما يصلى
مش عارفة ابوه ايه وامه ايه ده ينفع

-طيب دول ناس بيئة مثلا وياى منهم.
الناس بقى اللى مش بيئة فى اول الفرح (والكل برضو بينسى يلبس هدومه صيف
وشتاء) تلاقى هشام عباس يغنى اسماء الله الحسنى والناس آخر خشوع وأول ما
يقول اللهم صلى على اسعد مخلوقاتك هوببا تلاقى الكل بيتمايل ويصفق والبعض
يرقص

فيه ايه ياناس

واللا اللى بيرقصو على اغانى سامى يوسف واللى برضو بيصلى فيها على النبى

ياجماعة لازم ذكر النبى صلى الله عليه وسلم له احترامه وآدابه ماينفعش نقرنه بافعال غير مناسبة له.

كله الا ذكر النبى

نحن نحتاج لتنزيه نبينا عن مجالس اللغو ونخشع فى ذكره صلى الله عليه وسلم

وعذرا يارسول الله

والصلاة والسلام على الحبيب بتهدى فعلا
بس مش معنى كده نسيب الامور تدخل فى بعضها
ونسيب البشر يقولوها وهما بيرقصوا وهما بينموا وهما بيفاصلوا
لو تفكروا فى معناها فعلا مكانوش سرقوا ولا نموا ولا عاكسوا

الهدف من الموضوع

اننا نلفت نظر كل اللى نعرفهم مش كفايه احنا عرفنا وخلاص
ولو كل واحدة عرفت اهل بيته وجيرانه وقرايبه
ان لكل مقام كلام وان الحبيب المصطفى صلوات الله عليه وتسليماته مقامه اكبر بكتير من انه يتم ذكره فى مواقف ذى دى
ممكن يتغير الوضع مع الوقت
ياريت نبعد بذكر النبى عن اللغو فى كلامنا

اللهم صلى وسلم على حبيبنا محمد افضل الصلاة والسلام

تسلم ايدك

وجزاك بيه خير يارب

تسلمى على المرور يا نوجة

» زهد النبى قصص وعبر